قصيدة (حنا على العهد) بمناسبة زيارة سمو الأمير فيصل لتنومة

يالله يالمستعان وْما تزل = الواحد اللي على العرش اعتلا
تحفظ لنا المملكة رمز الدول = ترقى من المجد ذروات العلا
القبلة الي على طول الأزل= الكون يبقى لها مستقبلا
وتعز ابو متعب الفذّ البطل = يبني عماد الوطن ويواصلا
له مسكنٍ في القلوب وفي المقل=حبّه تربـّع في اعلى منزلا
من حكمته فـِ النطاق المشتمل= اختار من للصعاب يذلّلا
أميرنا الفيصلي نعم الرجل= فيصل كريم السجايا فيصلا
يافيصل الخير يانور الأمل = نزلت في الأهل ووطأت اسهلا
هذي تنومة عليها السـّعد هلّ = تلقاك بالمرحبا والمسهلا
يزهى سماها وفيه البدر طل= تهلل البشر والسعد اقبلا
والروض والسهل غنّى والجبل =وتردِّد اجمل عبارات الغلا
وسفوحها والروابي والحلل = و كل وادٍ من الغبط امتلا
والطير غنا ترانيم الغزل = والغصن والزهر واعشاب الفلا
ريحانها والخزامى والنـّـفل = والورد والياسمين مكمِّلاّ
في باقةٍ لك نقدمها وفلّ = بالطيب من كل فنٍّ يشملا
يتسابق الشعر وتجود الجـُمل =وينفتح كل بابٍ مقفلا
تنساب لشعارفيك وْماتـُـمـَـلّ = والقافية والمواهب تـُصْـقــَلا
بسيطها والهلالي والرّمـَل= في مدح فيصل تجود وتجْزِلا
والنثر عند الخطيب المرتجل = أحلى من الشهد واصناف الحلا
أسما خصال التواضع والنـُّـبُل = في شخصك المحترم يتمثلا
وفي الرجولة ضربت اعلى مثل = قليل من في مقامك يوصلا
فيصل تحِلّ الكرامه حيث حَل = ونردد اسمك على اسماع الملا
نسل الملوك الميامين الأول= إما كذا المنزلة والا فلا
مسعاك للخير وانجاز العمل= موفـّـقٍ بالنجاح امكلــّـلا
شرفت اهالي تنومة يا بطل = وتحقق الحلم والشأن اعتلا
من نخل بيشة لثربان الجبل= يا سيّدي في سموّك نحفلا
حنا بني شهر بالله نتــّـكل = نبقى على العهد لوّل والولا
نوحِّد الصّفّ ونسد الخلل= ونساند الرّكب والمترجـّـلا
في البحر والبر والاّ في زُحل = الشـَّهري ايلا دعيته يقبلا
يفدي بروحة وماله ما بخل= وينفذ الأمر ما هو يسألا
ولاّ يدور مقابل ما بذل = في ماضي الوقت والا ما تلا
وكلّ رجـّال سيفٍ يصطقل = يقدم على الموت في يوم البــِـلى
توحد الشعب والتمّ الشّمـِل = من فضل رب السماوات العُلا
والأمن خيّم على جمع السُّبُل = والشّر بين الصفود مكبّلا
واقفا زمان المجاعة والجَهَل = والله عطانا النعم وتفضّلا
والحرب ولاّ زمانه وارتحل = والخوف عن ديرتي عنا جلا
ياسيدي مرحبا ما النوّ هلّ = نزلت في الأهل ووطات اسهلا
في كل قلبٍ نزلت ولك محل = باعلى سمات الوقار مجلــّـلا
والختم صلوا على ختم الرسل = نبينا الهاشميّ المرسلا